ការឆ្លុះបញ្ចាំងអំពីភាពជោគជ័យរបស់ វណ្ណកម្ម “មាស ស” នៃល្ខោនសៀកកម្ពុជាហ្វារនិងសមាគមហ្វារពន្លឺសិល្ប: នៅមហោស្រពទីក្រុងស៊ីដនី

ខ្ញុំមានសេចក្តីសោមនស្សរីករាយក្នុងការចែករំលែកជាមួយអ្នកនូវព័ត៌មានដ៏គួរឱ្យរំភើបដែលផលិតកម្មសៀក “មាស ស” នៃល្ខោនសៀកកម្ពុជាហ្វារនិងសមាគមហ្វារពន្លឺសិល្ប: ដែលទើបតែបង្ហាញនៅក្នុងពិធីមសោស្រពទីក្រុងស៊ីដនីដ៏មានកិត្យានុភាព បានទទួលការវាយតម្លៃផ្កាយ 5 ដ៏ឆ្នើមដោយគេហទំព័័រអូស្ត្រាលីមួគឺ ArtsHub.com ។ សមិទ្ធិផលដែលនេះគឺជាសក្ខីភាពមួយចំពោះទេពកោសល្យពិសេស និងការខិតខំប្រឹងប្រែងនៃសិល្បការិនី សិល្បករ លោកគ្រូ អ្នកគ្រូ និងក្រុមការងារល្ខោនសៀកម្ពុជាហ្វារ ទាំងមូល។

ដោយទើបតែត្រលប់ពីការសម្តែងនៅលើឆាកក្នុងទីក្រុងម៉ុងរ៉េអាល់ ប្រទេសកាណាដា (La TOHU) និងទីក្រុងញូវយ៉ក សហរដ្ឋអាមេរិក (New Victory Theater) អស់រយៈពេលជិត 2 ខែ សិល្បកររបស់យើងក្នុងអំឡុងពេលមហោស្រពទីក្រុងស៊ីដនី បង្ហាញពីស្មារតីសាមគ្គីនិងសប្បុរស ភ្ជាប់ទំនាក់ទំនងយ៉ាងពិតប្រាកដជាមួយជនជាតិអូស្ត្រាលី ទស្សនិកជន ទាំងក្មេងទាំងចាស់។ ការថតរូបជាមួយទស្សនិកជន ព្រងទាំងសិក្ខាសាលាសៀកក្រោយការសម្តែងនៅមជ្ឈមណ្ឌលសិល្បៈ Casula Power House គឺជាពេលវេលានៃការផ្លាស់ប្តូរវប្បធម៌ពិតប្រាកដ ដែលជំរុញឱ្យមានការយល់ដឹងកាន់តែស៊ីជម្រៅអំពីប្រពៃណីសិល្បៈរបស់កម្ពុជា។ ទំនាក់ទំនងដែលបានបង្កើតឡើងក្នុងអំឡុងពេលអន្តរកម្មទាំងនេះគឺជាសក្ខីភាពមួយចំពោះភាសាសកលនៃសិល្បៈ និងអំណាចដែលវាមានដើម្បីបង្រួបបង្រួមមនុស្សឆ្លងកាត់ព្រំដែន និង អនុញាត្តិសិល្បករហ្វារ ធ្វើជាទូតទេសចរ និងទូតវប្បធម៌ ទាក់ទាញទេសចរមកទស្សនាកម្ពុជា។

លទ្ធផលដ៏គួរឲ្យរីករាយបំផុតមួយនៃពេលវេលារបស់យើងនៅឯមហោស្រពទីក្រុងស៊ីដនី គឺជាអារម្មណ៍នៃមោទនភាពដ៏លើសលប់ ដែលវាបានបណ្តុះនៅក្នុងសហគមន៍កម្ពុជា ជាពិសេសជាមួយ សហគមន៍ខ្មែរ នៅរដ្ឋ ញ៉ូយសៅស៍ វ៉េល https://www.facebook.com/KhmerCommunityofNSW ។ សិល្បករ សិល្បការិនី របស់យើង តាមរយៈការសម្តែងដ៏គួរឱ្យស្ញប់ស្ញែងរបស់ពួកគេ បានបង្ហាញពីកម្ពស់ដែលទេពកោសល្យរបស់កម្ពុជាអាចឈានទៅដល់លើឆាកអន្តរជាតិ ដោយពាំនាំនូវអត្តសញ្ញាណជាតិទៅជាមួយផងដែរ។

ការចាប់អារម្មណ៍ខ្ពស់និងការផ្សព្វផ្សាយតាមប្រព័ន្ធព័ត៌មានដែលយើងទទួលបានគឺពិតជាច្រើនអនេក ដូចជា ទូរទស្សន៍ABC Australia, SBS Australia, ព្រមទាំង Channel 7 News ព្រមទាំង Sydney Morning Herald ផងដែរ។ តាមរយៈប្រព័ន្ធផ្សព្វផ្សាយទាំងនេះ យើងអាចចែករំលែកការរៀបរាប់អំពីឧត្តមភាពសិល្បៈរបស់ប្រទេសកម្ពុជា និងសារៈសំខាន់នៅលើឆាកអន្តរជាតិ ហើយបង្ហាញរូបភាពវិជ្ជមានរបស់ប្រទេសជាតិរបស់យើង ទាក់ទាញការចាប់អារម្មណ៍មកទស្សនាព្រះរាជាណាចក្រ កម្ពុជា។

With SAM Mac for Channel 7 Morning Weather Cross broadcast

Dance and Circus Artist OEURN Sreynuth Interviewed by ABC Australia

Lokkru (guru) HOUN Bonthoeun interviewed by SBS Australia

ការចូលរួមជាមួយសហគមន៍ខ្មែរនៅរដ្ឋ New South Wales មានភាពកក់ក្តៅជាពិសេស។ ដំណើរទស្សនកិច្ចនៅវត្តខ្មែរជានិមិត្តរូបនៃការបន្តវប្បធម៌ និងជាការរំឭកពីសារៈសំខាន់នៃការថែរក្សាមរតករបស់យើងនៅបរទេស។ ការបង្ហាញទង់ជាតិកម្ពុជា ទៅកាន់ទស្សនិកជនទាំងអស់ មិនត្រឹមតែបានបញ្ឆេះនូវអារម្មណ៍មោទនៈភាពក្នុងចំណោមប្រជាជនកម្ពុជាប៉ុណ្ណោះទេ ថែមទាំងបានដើរតួជាការអញ្ជើញឱ្យមកស្វែងយល់ពីភាពស្រស់ស្អាតនៃមាតុភូមិរបស់យើង។

A Cambodian mural in the middle of Cabramatta City. Thanks to to community effort of the Cambodians in New South Wales.

ចំណុចកំពូលនៃដំណើរបេសកកម្មទស្សនីយភាពរបស់យើង គឺការស្វាគមន៍យ៉ាងកក់ក្តៅចំពោះសិល្បករខ្មែរ ដោយលោកជំទាវ Margaret Beazley អភិបាលរដ្ឋ New South Wales ដែលបានផ្តល់កិត្តិយសស្វាគមន៏ពួកយើងនៅឯវិមានរដ្ឋាភិបាល។ ការទទួលស្គាល់ដ៏មានកិត្យានុភាពនេះបានលើកកំពស់ សិល្បកររបស់យើងជាតំណាងកម្ពុជាដៃថ្លៃថ្នូរ។ ឱកាសនេះជាការផ្លាស់ប្តូរបទពិសោធន៍ប្រទេសកម្ពុជា និងអូស្ត្រាលី។

ក្នុងអំឡុងពេលរបស់យើងនៅប្រទេសអូស្ត្រាលី លោក ឈឿត សុភាព អ្នកបច្ចេកទេសសំឡេង និងពន្លឺរបស់យើងបានចាប់យកឱកាសដើម្បីរៀនពីបទពិសោធន៍ និងបច្ចេកទេសរបស់បច្ចេកទេសសំឡេង និងពន្លឺនៃប្រទេសអស្រ្តាលី ។ ការផ្លាស់ប្តូរចំណេះដឹង ចំណេះធ្វើ វប្បធម៌នេះមិនត្រឹមតែបង្កើនជំនាញរបស់គាត់ប៉ុណ្ណោះទេ ប៉ុន្តែថែមទាំងរួមចំណែកដល់ការលើកកម្ពស់ផលិតកម្មរបស់យើង និងក្រុមបច្ចេកទេសរបស់ ហ្វារ កាន់តែពូកែផងដែរ។

នៅពេលដែលយើងទទួលបានភាពជោគជ័យនៃដំណើរសម្តែងនៅទីក្រុងស៊ីដនីរបស់យើង ខ្ញុំសូមថ្លែងអំណរគុណយ៉ាងស្មោះស្ម័គ្រចំពោះក្រុមការងារមហោស្រពទីក្រុងសុីដនីសម្រាប់ការបដិសណ្ឋារកិច្ច និងការសហការដ៏អស្ចារ្យរបស់ពួកគេ។ តាមរយៈការខិតខំប្រឹងប្រែងរួមគ្នា ដែលយើងអាចបង្កើតសមិទ្ធិផលដ៏មានអត្ថន័យបែបនេះ។ សូមអរគុណ Olivia, Nick, Beaver, Barry, Jenny, Alicia, Sophie, Kirsten និងក្រុមការងារមហោស្រពទីក្រុងសុីដនីទាំងមូល និងក្រុមការងាររោងល្ខោន Seymour Center ។

ជាចុងបញ្ចប់ ខ្ញុំសូមថ្លែងអំណរគុណចំពោះសិល្បការិនី សិល្បករ ល្ខោនសៀកហ្វារ លោកគ្រូបង្វឹក និងក្រុមការងារទាំងមូលដែលពាំនាំនូវកិត្តិយលនេះជូនយើង។ អ្វីដែលអ្នកបានចូលរួមពិតជាអាចជួយផ្លាល់ផ្តូរ ជីវិតអ្នកទាំងអស់គ្នាឱ្យមានអត្ថន័យ និងជួយជីវភាពរបស់អ្នកបាន។ ខ្ញុំសូមលើកយកដកស្រង់ពីលោក គង់ វិបាន សិល្បករសៀក ដែលលោកបានលើកឡើងប្រាប់ខ្ញុំថា៖ “ដំណើរបេសកកម្មទស្សនីយភាពលើកនេះគឺជាជោគជ័យដ៏ធំធេង ដោយមានសាមគ្គីភាពដ៏រឹងមាំរវាងពួកយើង និងទស្សនិកជននៅទីក្រុងស៊ីដនី ខ្ញុំសូមអរគុណលោកគ្រូ ហួន ប៊ុនធឿន និងហ្វារ ដែលផ្តល់ឱកាសឱ្យខ្ញុំ និងអ្នកផ្សេងទៀតជាច្រើន។ ខ្ញុំនឹងសង់ផ្ទះសម្រាប់ម្ដាយឪពុកខ្ញុំ»។

ដោយរួបរួមគ្នា យើងបន្តបញ្ចេញពន្លឺលើភាពសម្បូរបែបនៃវប្បធម៌ និងភាពប៉ិនប្រសប់នៃសិល្បៈរបស់ប្រទេសកម្ពុជា ដែលធ្វើឲ្យប្រទេសកម្ពុជាត្រូវបានមនុស្សក្នុងពិភពលោកស្គាល់ថាជាគោលដៅទេសចរណ៍ដ៏ទាក់ទាញមួយ ប្រកបដោយភាពកក់ក្តៅ និងចិត្តសប្បុរសដូចសិល្បករហ្វារ។